സി എ എ പറഞ്ഞു വെള്ളം കലക്കി ഇരുട്ട് കൊണ്ടു ഓട്ട അടക്കുകയാണോ ?

25 January at 14:41 ·

സി എ എ /എൻ ആർ സി യെപ്പറ്റി ആദ്യമേ എഴുതിയ കൂട്ടത്തിലാണ്. വിവേചന നിയമങ്ങൾക്കും രാഷ്ട്രീയത്തിനും എതിരാണ് എന്നും.. പ്രതിഷേധത്തിൽ സജീവമാണ്
ഇന്ത്യയുടെ വിവിധ സംസ്ഥാനങ്ങളിൽ പല തരത്തിലുള്ള പ്രതിഷേധങ്ങളാണ്. അതിൽ ഏറ്റവും ശ്രദ്ധയർഹിക്കുന്നത് വിദ്യാർത്ഥികളുടെയും ചെറുപ്പക്കാരുടെയും. സ്ത്രീകളുടെ സമരം ജനാധിപത്യഷ്ട്രീയം ഇന്ത്യയിൽ ഇന്നും സജീവമാണ് എന്ന് കാണിക്കുന്നു. പിന്നെയുള്ളത് വിവിധ സാമൂഹിക പ്രസ്ഥാനങ്ങളുടെ പ്രതിഷേധം. മുസ്ലിം സമുദായ സംഘടനകളുടെ പ്രതിഷേധം.
അതു കഴിഞ്ഞു വിവിധ രാഷ്ട്രീയപാർട്ടികളും പോഷക സംഘടനകളും. ഈ സമരങ്ങളും പ്രതിഷേധങ്ങളും ജനായത്ത രാഷ്ട്രീയത്തിന് നല്ലതാണ്.
കഴിഞ്ഞ രണ്ടാഴ്ചയായി വിവിധ സംസ്ഥാനനങ്ങളിൽ യാത്ര ചെയ്തു അവിടെ ഉള്ളവരുമായി ചർച്ച ചെയ്തപ്പോൾ മനസ്സിലായത്.വ്യത്യസ്ത സംസ്ഥാനങ്ങളിൽ വ്യതസ്ത ലോജിക്കിലും കാരണങ്ങളിലുമാണ് സമരം. ആസ്സാമിലെ ലോജിക്കല്ല, ഡൽഹിയിൽ. അങ്ങനെ പലരും പല കാരണങ്ങൾ കൊണ്ടാണ് സമരം.
ഒരേ രാഷ്ട്രീയപാർട്ടികൾ തന്നെ പല വിധത്തിലാണ് വിവിധ സംസ്ഥാനങ്ങളിൽ പ്രതികരിക്കുന്നതു
കേരളത്തിൽ ന്നെ പല ലോജിക്കിൽ സമരങ്ങളുണ്ട്. അതിലൊന്നു ഫെഡറലിസ്റ്റ് ഘടനയിൽ സംസ്ഥാനങ്ങൾക്കുള്ള അധികാര അസ്തിത്വമാണ്.
എന്നാൽ പലയിടത്തും രാഷ്ട്രീയ പാർട്ടികൾ പ്രതിഷേധം ചെയ്യുമ്പോൾ തിരെഞ്ഞെടുപ്പ് കണക്കു കൂട്ടി കിഴക്കലുകളുടെ ലോജിക് കാണാം. ഉദാഹരണത്തിന് aap. ഡൽഹിയിൽ തിരെഞ്ഞെടുപ്പ് ലോജിക്കിൽ നിന്നാണ് കേജരിവാൾ പ്രതികരിച്ചത്.
വിവിധ സംസ്ഥാനങ്ങളിൽ അടുത്ത കൊല്ലം
പഞ്ചായത്ത് തിരെഞ്ഞെടുപ്പ്. അതു കഴിഞ്ഞു അസംബ്ലി തിരെഞ്ഞെടുപ്പ്. അതു കൊണ്ടു തന്നെ തിരെഞ്ഞെടുപ്പ് ലോജിക് പല പാർട്ടികളും ബാക്ഗ്രൗണ്ടിൽ കണക്കുകൂട്ടിയാണ് ഫോർഗ്രൗണ്ടിൽ രാഷ്ട്രീയ വ്യവഹാരം നടത്തുന്നത് .
സി എ എ കലക്ക വെള്ളത്തിൽ വോട്ട് കണക്കുകൂട്ടിയാണ് പലയിടത്തും രാഷ്ട്രീയ പാർട്ടികൾ പ്രതികരണം സംവിധാനം ചെയ്തിരിക്കുന്നത്. . കേന്ദ്ര സർക്കാർ സാമ്പത്തിക പ്രതി സന്ധിയും തൊഴിലില്ലായ്മായും പിടിപ്പു കേടിൽ നിന്നും ശ്രദ്ധ തിരിക്കാൻ സി എ എ ചീട്ടിറക്കി. പലയിടത്തും സംസ്ഥാനസർക്കാരുകൾ അതെ ചീട്ടിനെ വെട്ടി ശ്രദ്ധ തിരിച്ചു വിടുന്നു.
കേരളത്തിൽ വിവിധ പ്രതി ഷേധങ്ങൾ നടക്കുന്നത് നല്ല കാര്യം. സർക്കാരും ഇതിൽ സജീവം
പക്ഷേ കേരളത്തിൽ ഇത് പോലെ ചോദ്യങ്ങൾ പലതുണ്ട്.
വളയാറിലെ കുട്ടികൾക്ക് നീതി കിട്ടിയോ? അലനും താഹയും ഒരു കുറ്റവും ചെയ്യാതെ എന്തിനാണ് കേരള പോലീസു യു എ പി എ ചുമത്തി അകത്താക്കിയത്? അങ്ങനെ ഒരുപാടു ചോദ്യങ്ങളുണ്ട്. അതൊന്നും പലരും ചോദിക്കാതെ സി എ എ പറഞ്ഞു വെള്ളം കലക്കി ഇരുട്ട് കൊണ്ടു ഓട്ട അടക്കുകയാണോ എന്നത് ഒരു ചോദ്യമാണ്