ഏകതാ പരിഷത്ത്‌ പ്രതിജ്ഞ

ആസിഫ എന്ന ഞങ്ങളുടെ മകൾക്ക് നീതി ലഭിക്കുവാനായ് ഞങ്ങൾ ഒരുമിച്ച് പ്രതിജ്ഞ എടുക്കുന്നു.ഇന്ത്യയിൽ ക്രൂരമായി ബലാത്സംഗം ചെയ്യപ്പെടുന്ന സ്ത്രീകളുടെയും ആക്രമിക്കപ്പെടുകയും വധിക്കപ്പെടുകയും ചെയ്യുന്ന ദളിത് ന്യൂനപക്ഷ വിഭാഗക്കാരുടെ എണ്ണം അനുദിനം വർധിക്കുന്നു.ഇത് ഇന്ത്യൻ ഭരണഘടന എല്ലാ പൗരന്മാർക്കും ഉറപ്പാക്കുന്ന അവകാശങ്ങളുടെയും സുരക്ഷയുടെയും ലംഘനമാണ്. ഞങ്ങൾ നീതിക്ക് വേണ്ടിയും എല്ലാ മനുഷ്യരുടെയും തുല്യാവകാശങ്ങൾക്ക് വേണ്ടിയും ബഹുസ്വര ജനായത്ത സംവിധാനത്തിന്റെ സംസ്ഥാപനത്തിനായി ഒത്തൊരുമിച്ച് പ്രവർത്തിക്കും. വർഗീയതക്കും അക്രമത്തിനും എതിരെ ജാതി മതങ്ങൾക്കതീതമായി മാനവിക നീതി ഉറപ്പാക്കുവാൻ ഞങ്ങളൊരുമിച്ച് പ്രവർത്തിക്കും.ഇന്ത്യൻ ഭരണഘടനയും ഇന്ത്യൻ ജനാധിപത്യ വ്യവസ്ഥയും സ്ത്രീകൾക്കും ദളിത് ആദിവാസി ന്യൂന പക്ഷ വിഭാഗങ്ങൾക്കുമായി ഉറപ്പ് നൽകിയ അവകാശവും സംരക്ഷണവും ഉറപ്പാക്കുവാൻ ഞങ്ങളൊരുമിച്ച് പ്രവർത്തിക്കുമെന്നും ഞങ്ങൾ പ്രതിജ്ഞ ചെയ്യുന്നു.
ജയ് ജഗത്, ജയ് ജഗത്, ജയ് ജഗത്